Life is sweet with Vanilla

 

有日同BENNY打紧机既时候，发现楼下来左4部消防车。仲有警车救护车，仲封埋路，十分大件事。开左个窗，伸个头出去先闻到有味，原来系隔离楼。D fireman 要咩氧气筒，仲要nap “架餐”爆门。对面楼D人全部打开窗帘睇热闹，隔离屋既两个小朋友仲走埋落楼睇。大家都睇得好开心，唔知点解，我地搏命系度笑，仲林，如果等阵policeman上来拍门叫我地走人，使唔使nap野，nap咩好。越讲越好笑。我一直趴係个窗度睇，BENNY拉我都唔走，我话想睇firemen，但系D firemen 多数都唔好睇，有肚腩无头发。不过D firetruck就真系好型。

 

最近好多好多野做，又多功课，又多presentation，仲有好多书要睇，做到唔食唔训。其实系堆埋D功课deadline前先做，要通宵赶功课，交完之后就大觉训，训到饭都懒得食。就系所谓既唔食唔训啦。不过最近真系做左好多好多野，好似成日都好忙咁，不过好满足。不过即使再多野做，星期3都系咩都唔想做，所以E几个星期3都有出去附近既TOWN行下。（pics later on）

 

最近ha zoi 左好多歌。其实会觉得guilty。罪过罪过。

 

琴晚睇BENNY与中文字搏斗了一整晚。有趣～！！

 

今日放学之后，BENNY突然话想去晒太阳。于是去左st andrew，海边一个好细又好靓既town。果度有个战机场，之前系果度见过两只战机打关斗同打交叉。sooooooooooooooo cool~!!!! 睇到好兴奋！！ 不过今日就净系见到起飞降落。其实比较想见到D pilot。

 

应该系归去，因为又系去aviemore，即系aviemore return. 其实只系住係aviemore，去行左好多地方。

 

今次系hydrology班去，即系睇河睇水。去两日。E个班比较少人，去既得30几个。租左两部十几座mini bus （i prefert to call it van）+ 一部7人车，系lecturer既私家车。我搭果部mini bus系个鬼妹同学开，lecturer开另一部，因为得佢地两个qualified to drive a mini bus。我地部巴士应该系最好玩既，因为有13个人，无lecturer。 我地好似小朋友去旅行咁兴奋，係D好似过山车既山路上面，西来西去，上斜就wooh，落斜就waah，D music嘈到头痛。E次field trip最好既系唔辛苦，开车开到一个point，然后落车，睇野，听lecturer讲野，然后上车去下一point。最辛苦都只系第2日一早起身，然后行45分钟上山路。基本上个个都有D hang over，所以一到山顶就全班人摊晒係草地。果晚我地住既hostel比上次既靓D干净D，仲系ensuite。晚黑食完饭，几间房既人塞埋入一间，傻笑左一晚。

 

今次既field trip真系超级舒服超级多笑话。例如我地将其中一个同学困左系房外面，里外都嘈到拆天既时候lecturer係房门口行过。返dundee既时候，我地一直跟住lecturer部车，就到既时候我地took over佢，我地准备同佢挥手既时候，见到佢拉长块面，然后大家即刻另咩面唔敢望佢。返到屋企果晚，facebook即刻就有相睇，有comment，然后所有野都重新笑一次。

 

最近E几日见到周街都系细路，好似唔使返学咁。后来先知原来D细路真系放两个星期假。先开学无耐，又放咩假啊？E个假期真系估你唔到！叫做potato holidays！！系Scotland先有既假期，以前放假比D细路返屋企帮手收薯仔。

 

今朝起身 我同BENNY都觉得周身痛，琴日明明无做运动，净系係屋企坐，都唔知点解会周身痛。 实系琴晚半夜BENNY梦游，打左我一锅～！！

 

前两日再焗左一次海绵蛋糕，今次终于成功，而且好成功，almost perfect！！ 好香好软熟。 其实之前失败都系关个焗炉事，以前一直都系按正recipe来做，都唔得，个焗炉唔同左就焗得咁靓。

 

由细到大都系用强生蓝色樽沐浴露，最少用左18年，因为钟意阵味。今日系E度买左樽，点知发觉阵味唔同左！好失望！！

 

今个学期第一堂课我竟然无去上！！后来lecturer仲发email来问我做咩唔返学。全班得我一个无返，真系威到尽。 唔返学既原因实在太笨，都唔知点同lecturer讲系因为我睇错timetable！！

 

原来我已经year 3

 

今个学期课好少，而且好多field trip。睇D课程同assigment觉得好似好得闲。但系上课既时候，lecturer讲好多关于career既野，今年学D野又好practical，感觉离毕业好近。有点不安。如果可以一直读书唔毕业就好啦。E+只可以不断提醒自己，我已经year 3 啦！要勤力D啊！！

 

Wii fit

 

前排E度既Wii fit卖到断晒市，无左几个月都仲未有得卖。最最最最近E两日，BENNY收到风，会有返货，但系过左几日都仲未见D铺头摆出来。有日我地区supermarket买餸，我无意中'lap' 到有人架车仔里面有两盒Wii fit，我即刻同BENNY讲，距就即刻推住架车仔由E头跑到果头冲去买！终于比距买到。我地买完餸返转头睇一睇个架，Wii fit已经无晒！！真系超级好卖！！ 之后我地落town行街，好多铺头都仲未有Wii fit，最近有返货既都系即刻就卖晒。

 

返到屋企就紧系即刻开来玩啦，不过屋企地方浅窄，所以今日我地将D傢俬重新搬过，变成咁样～～

 

 

9月初去左wales.  顺便去多次plymouth, 探BENNY以前既guardian. 两个老人家好好人, 不过有只超级百厌狗. 只狗一见到我就又揽又锡, 舔到我湿晒, 仲痴到我成身狗毛. 虽然觉得好污糟, 不过我都系照同距玩, 只系要一直推开距个头, 吾比距舔.

 

      

   E只狗真系好靓, 而且好醒目, 仲好中意我~~

 

 

       BENNY 最近换左车, 因为 ~@@车车@@~ 实在快吾得啦, 整返好都要好多钱,所以干脆换一部. 虽然我地两个都好吾舍得 ~@@车车@@~ , 不过新车真系正好多. 距叫 'on 車車' , 車马炮个車.

 

部车买返来无几多日我地就开出去玩啦, 好似成为左传统,次次买车换车之后都系即刻开去玩

 

       

    之后仲发现车牌系我地个名既initial.

 

             今次又轮到vanilla去旅行啦~~

    ~~

 

第一日, 我地又系半夜出发, BENNY 开左11 个钟去到plymouth, 再次觉得距好劲.

今次主要去wales, 先去cardiff, 然后系tenby, 一个海边小镇, 再去st davids, 全部都系西南部.

去埋wales, 英国该去既我地都基本去过啦. 下一站应该系法国啦挂~~ fingers crossed.

 

去wales的时候就觉得耳仔痛，仲流血。打电话同妈咪讲，距话系中耳炎，耳膜穿左，要即刻睇医生。搞到我都好惊。来英国两年都仲未去诊所登记，而且登记左仲要book appointment先可以见医生。D同学话伤风感冒去book appointment最快都要一个星期先有得睇，见到医生既时候都‘藕’返好啦。第日一早就去登记，然后同护士讲症状，距睇睇我耳仔，就帮我安排下午见医生。都唔知好定唔好，可以咁快见医生，一定好严重。睇完食完药都仲系痛到晚黑训唔到。要食止痛药。D过期panadol好似唔系好有效，而且止得两个钟，之后又痛醒左。就系咁痛苦左两日两夜，第3日先有好转。头果两日痛到乜都唔想做，直情喐都唔想喐。好似植物人咁摊係床上面，都仲系痛。好彩唔系自己一个人，所以有饭食，仲有汤有粥。

 

食左两日药，虽然好D，但都仲系好痛。仲系边度都唔想去，乜都唔想做。所以无聊到要陪BENNY睇蛊惑仔。好惊讶，我由细到大都系超级电视迷，但系竟然未睇过一集蛊惑仔！！而BENNY已经睇到识背啦！！几日之内睇晒5集蛊惑仔，觉得，果阵D细路，即系我地，睇埋晒D咁既野，唔学坏就奇啦。

其实系BENNY换水时打烂的， 然后即刻出街买鱼缸。

 

               

 

   买个胶箱比你地,睇下你点游穿距~~

 

   

整穿鱼缸既真凶系后面蒸紧鱼

(你想食鱼都吾使甘噶~)

 

5月,返中国之前去左dover睇白崖,想去左两年,终于睇到啦. 好靓. 住在windsor果晚,大家突然兴致起,想去LONDON食寿司.因为温莎好近LONDON,所以话去就去. 而且仲系开车去.

 

LONDON 既交通同广州差吾多, 路又窄又多车, 又单行又改路. 而且司机一D都吾礼让. BENNY第一次开车入LONDON市区, 虽然识路但都好紧张.  距话,开车入LONDON市区就好似未去过广州既人开车入广州旧城区甘.

 

我都系第一次搭车入LONDON, 而且吾使赶时间. 当时系傍晚, 天仲未黑,但灯已经着晒, 市中心D建筑好靓,所有人都dress up, 街上面只有靓车同巴士.(BENNY话,在LONDON, A4系标配, 开megane 有被欺负既感觉). 忽然好感慨. LONDON, 好一个纸醉金迷既地方. 好似只有超级富豪同穷人既地方. 很有gossip girl 的感觉, 可能果排睇得太多...