平时一直都系一个星期买两次餸，今个星期突然一次买晒一个星期既餸，雪柜就坏左！

 

其实唔系意外，两件事有必然联系。因为freezer结左好厚霜，又买左比平时多既野，所以放唔落，所以要铲霜，点知插穿左条喉，喷左D气体出来，然后个雪柜就唔冻啦。即刻去买雪柜都要等7日送货，唯有搵二手既，都要听日先去摞。E+已经坏左第2日，掉左8成野食。岩岩买左袋冰，估计顶唔到听日。

 

最近开始注意减少糖分摄入。一直觉得自己好健康，又唔肥，所以食野无顾忌，唔怕肥腻，整野食要落好多好多芝士。最钟意甜野，食得超甜，冲茶与咖啡要落1/4 杯糖。零食更加系无节制，食到想呕为止，完全唔识自制。虽然无验过，但我D血应该好难睇。 所以E排开始控制零食甜品。对我来讲，唔买就系最有效既节制，因为我忍到买忍唔到食。所以林住食埋E批就暂时唔再买或者买好少，点知两日就清晒～～

 

某日同左BENNY去打golf。其实只系去练习场跟业余player学开波。几好玩，而且发觉我唔系无运动天份，只系无力。所以ED唔需要力量既运动我仲系可以做得到。

 

車車买返来无耐，BENNY就想改装佢。最初加左个芯片加大左马力。上星期改左19寸‘ling’，降低车身。今个星期仲装埋包围。总算搞掂晒。

 

但我觉得佢咁做简直系强奸車車！！人地车厂投资咁多钱研发，engineer & designer 绞尽脑汁，将架车设计到最好跑，最好睇，最安全。而BENNY竟然为左自己既欲望与快感，侮辱了車車原创的纯洁。

 

本来佢改车唔犯我，但系佢将D零件，例如‘ling’， 车胎，包围摞晒返屋企！仲想係屋企帮佢只尾翼喷漆！！到E+仲有4个車車既旧‘ling’连胎摊係厨房！！！另我很厌恶！！！！装包围果几日因为要喷漆，車車唔可以返屋企，我就要行路返学。

 

改前

 

改后

 

 

两个reports，一个deadline，geoscience受到诅咒。

我仍然受惰性诅咒。

 

最近说话很狂妄，又经常整蛊BENNY。因为压力大，需要发泄。

 

如果听日天气好，落课就去滑雪。

 

13/03/09

天气都系唔好，去唔成，过两个星期先去。

 

我又搞掂左一盒Lily O'briens

                    

过左情人节再等左一个星期，佢都无减价，唔可以再等啦。

仍然系最好食既朱古力！！

 

 

 

 

我煮噶！我煮噶！！

已经唔多记得西班牙玩左D乜，所以E个entry会好无趣。

 

入境既时候，immigration officer竟然无睇过我地既签证。佢净係睇左front page，然后顺住翻到有空位既一页，盖个章，完全无go through个签证。我地呆左。点解唔使睇？既然唔睇，就唔好要我地40几镑签一个证啦～～

 

头3日都係巴塞。基本上该去既都去齐。睇gaudi，睇picasso，睇miro。睇奥运村同睇波。巴塞好多出名既architecture，仲有好多BENNY好中意既作品。佢头3日就影左1000张相。

 

去到巴塞主场睇左巴塞vs马洛卡。从摞到飞果一刻开始好兴奋。虽然坐山顶，两队波又好悬殊，不过气氛好正！大家睇得好high，我地都跟住人大嗌。

 

第4日开始租左部车，一直南下，先去terragona。睇成千年既地中海建筑，好靓既小town。见到几千年既罗马斗兽场。i am fascinating about it. 我觉得D存在左几千年既野好伟大！BENNY就话无乜感觉～～

 

睇5日去华伦西亚。好compact既一个城市。有好欧洲既gothic教堂，有好地中海既building，仲有好贵好好大型好现代既建筑。amazing！ 得一日时间，我觉得未睇够。BENNY就净系影相影相影相。

 

最后两日就系benidorm同alicante。都系海边旅游区，有好靓好长既沙滩。不过E个时候就净係得欧洲老人来享受winter sun。其中一半以上係英国人。两日既时间我地已经无地方好去，都系行沙滩，晒太阳，好似退休老人咁，係露天cafe high tea 然后对住大海发藕豆，坐足两个钟先走。

 

p.s.

1. 西班牙好似好似中国。郊外既landscape和buildings同中国既一模一样。交通，生活方式都好似。BENNY话好似被中国殖民过一样。

2. 西班牙既野好好食，尤其bakery，甜品同咖啡。D  bakery同甜品好多都淋满糖浆或者朱古力，岩晒我！係西班牙饮过既咖啡全部都好香（除左albir garden果杯）。随便一间小cafe既咖啡都好靓。所以果度好少starbucks, coasta.

3. again, 西班牙人真系好热情。西班牙系个好地方。

新闻话英国变左narnia！！

 

Are we protecting our planet for good? Are we protecting it for our own good as Homo sapiens and standing in the way of other species' evolution? What a great theory. I could pubilc a book on it, once I thought. But later, I realized, this is the way things work. Every species tries to live and thrives for as long as it can. Dinosaur did not make the earthquake and climate change to extinct themselves. they struggled for a longer period of existing if they can. So ture. Just, it's a shame that my great theory turns into stupid thought.

 

This is the way I think lately. Am I thinking too much or just think stupidly?

 

Watched the phantom of the opera for the second time. I still cannt understand why Christine not end up with phantom. So sad.

 

Something more dramatic than drama can really happen in the real world. If it is film into a series, we will all say it is so impossible. But it did happen.

 

Jason Stratham is sexy but in trasporter 3 it is too much that makes the whole thing boring!!

年初一要返学，不过唔返学都无野好做。年30中午去左edinburgh饮茶 行街。

 

前几日买左棵水仙。E度既水仙一般easter先开，但系E棵买左返来一日就好似高左，所以我地林，可能有机会赶到过年开。于是放左入房，淋好多水。距果然长得好快，仲开埋花。

 

今晚之后就要放返出厨房，等距可以开耐D。

 

最近BENNY 迷上林俊杰果首歌， 小酒窝。 好垃圾既一首歌，不过BENNY话歌词里面既小酒窝长睫毛系讲紧距！！

 

于是我同距讲narcissus既传说 （一个叫narcissus既麻甩佬因为迷恋自己既外貌，一直睇住自己水中既倒影唔肯走，最后憔悴至死，变成水仙花，生长在水边，终日低头睇自己水中既倒影。） 我仲查narcissus E个单词比距睇，字典都有讲，除左水仙花之外，解释仲有，迷恋自己外貌的青年男子。

 

仲唔系讲紧BENNY？？！！

 圣诞一过就去左西班牙。前半同BENNY去行左几个城市。距影左一千几张相，E+仲整紧。

 

后半就系我地学校既fieldtrip。FIELDTRIP占我其中一科既一半成绩，去西南部海岸practice research methods，目的系要学识係一个不熟识既地方从零开始research一个subject。其实同做desertation差唔多。其中几日就全班一齐做野，有几日就系分group做自己既project。最后一日就要将group project做既野presentation.

 

 

第一日，我提早去到机场等D同学同老师。而佢地就系头一晚1点钟係学校上巴士，朝早6点既飞机，10点到西班牙。所以见到佢地既时候个个都无晒精神。去到住既地方放低D野就即刻被lecturer拉左去行山。起码行左两个半钟上山路。D同学一个二个头一晚都无训到觉，竟然行得好快，我就行到喘晒气。最惨系，我无预备第一日就行咁多路（事实上，第一日就系全个trip行得最多既一日），所以我着左短袜+行山boots，脚眼被对boots磨到损晒出晒血。之后仲发炎，好耐都唔好，所以一直都唔可以再着对boots。

 

就系E个癫癫地既lecturer，第一日就拉我地上山，仲要特登带我地行D无路既地方。

 

 

不过係D咁靓既地方做野，无所谓啦～～

 

 

每日我地都要去几个唔同既地方做野。唔使行好多路，又唔系好幸苦，去D地方仲好靓，不过就好多野要睇，要记，要林。有时係D town度睇human landscape，有时就上山下海睇石头。去到每个地方lecturer都有好多野想讲比我地知，又要问好多问题，随便点名就要你答，所以林野要林得好快。成日都有D好搞笑既问题同答案。如果做完野仲有少少时间先上巴士，我地都会用果少少时间来玩到癫。

 

 

lecturer叫我地全班爬晒上个架度，佢帮我地影相。仲有好几张全班人既集体相，不过佢仲未比返我地。

 

最多野做都系晚黑，多数返到酒店都6，7点，要自己买送煮饭，仲要write up D笔记，本notebook系返英国之前要交上去打分噶。每晚基本上要写千几字先写得晒一日做既野。

不过我地晚晚都挂住玩同倾计，到最后两晚先开始挨夜赶笔记。

 

 

其中一日准备返酒店既时候，我地部巴士打唔着火。果个癫癫地既lecturer同个司机一齐落车睇睇，然后上来同我地讲：

大家落车啦，要推车啊。

。。。。。。 我地无人睬佢

佢又话：大家落车帮手推车啦

我地开始系度笑，因为佢一向搞惯笑，又癫癫地，我地当佢讲笑。

佢又话：我唔系讲笑噶！！打唔着火啊～～

另一个落左车既lecturer都上埋来，同我地讲：佢讲真噶！大家落车啦～

E个时候我地先知原来佢唔系讲笑噶！！！！

 

于是全班人落晒车，开始推巴士！好快就推喐左，仲打返着。

 

 

一班人好proud好high，尤其系癫癫地lecturer。

 

 

而另外果个lecturer就一直系旁边睇同笑，我地睇返D相先知。 

 

 

 

今次同我地一齐去既有4个lecturer。 佢地个个都好搞笑，同我地玩得好埋。

每个lecturer都负责两个group既project。 癫癫地果个就系我地group既superviser. 成个学期都系佢同我地tutorial，睇住我地从concept开始plan一个project。佢比好多idea我地，不过次次都要我地改D野，搞到我地做完E样又做果样。去到西班牙都仲要改plan。虽然佢好搞笑，不过有时返学时间都好似hanging over咁。所以觉得佢系D好癫既人。

 

另外一个lecturer识讲spanish，突然变得好有型。所以我係facebook偷左佢既相。

佢同癫癫地果个旧年来西班牙既时候饮醉左。听上一届D人讲返，真系好搞笑。

 

有日去华伦西亚，经过果几个星战主题既大型fancy建筑物。另一个lecturer摞住支咪扮星战D声：“i am your father.”..."come over to the dark side~~". 跟住几个lecturer仲一齐对住支咪哼星战既theme。全车人爆笑，包括个司机。

 

係西班牙既第2晚，D lecturer约晒我地全班人去外面某酒吧，想我地同学之间认识多D，佢地又想同我地倾多D。（英国人都系要饮左酒先倾到计，而且饮劲多）。相信旧年果两个就系係E一日饮醉。今年佢地迟左半个钟，佢地来到既时候我地都准备走啦。不过今年佢地肯定会好小心节制。

 

 

一共8日既fieldtrip，我地住既地方好正好正！！albir garden系地中海度假屋酒店。

4个人一间小flat，有厨房有洗手间仲有阳台！一房一厅，其中两个训厅既沙发床。

 

我训床噶  

 

酒店环境超靓，仲有室内外泳池。而且唔贵，我地学校年年都住係E度。

 

每晚我地4个人都一齐煮饭一齐做野，同隔离flat D 人一齐做D on 居野然后傻笑，所以通常都做唔到正经野，不过就好开心。

 

好多时晚黑我地都係楼下酒吧一齐做野，lecturer又要同我地tutotial。好多人都自己带野入去食，唔买野饮，我地仲玩到癫晒搞到好嘈，但D staff仲系对我地好friendly.

 

 

 

有日係大堂见到一个亚洲人football team来albir garden check in。我听到佢地好似唔系讲中文，件制服又无中文，所以以为系日本韩国既。到有一日我系酒吧买野饮，个bar tender问我系咪中国人，佢话住係E度果队波系中国来既，仲系联赛排第4. 我一D都唔知道，唯有话我唔系football fan. 过左一阵，有个footballer又来酒吧，然后个bar tender就摞张纸仔来比我睇，上面写住tianjin唔知乜野，佢话比我听系果队波既名。其实我都系一D都唔知道，不过我就话，我有听过啊，之类既野。当时我同同学坐埋一齐做野。我话比佢地听果队波系中国人但我之前唔知道。D同学无讲野，好好奇咁等我讲下文，但系其实我已经讲完。系英国如果见到footballer系好兴奋既事，女仔即使唔识睇波都钟意睇footballer。我当时唔知讲咩好，因为我唔想好直接咁话，they suck!! 后来同BENNY讲，距上网查下，话系天津某队，係国内好劲，去左西班牙习训，输左比西班牙丙组某队。

 

 

有两日系我地每个group自己既project时间。我地6个人，做既系海水对石头既侵蚀同运送。方法就系沿住海岸每隔一百几十米就随机执100粒石仔，睇下系咩石，有几大，有几圆，咩形状，每一粒都要睇过度过。有D唔知系咩石既仲要用旧大石头爆开佢来对比，而用来对比既石头都系我地自己执返来再爆开，随身携带。所以有左我地既

“beep-beep-” rock breaker

 

和 rock library。

我摞左其中两粒返屋企，另外果D有个同学摞晒，点知上飞机过安检时被人开袋。我地笑死左。

 

其实我地咁样做违反晒学校既health and safety指引，即使癫癫地既supervisor都话我地咁样好危险，应该要戴头盔眼罩，用锤仔dup.

 

我地两日总共行左成10公里，6个人总共sample左60个point，6000几粒石，一大叠珍贵既原始数据。而且每个point都有详细GPS定位，返去之后画返个地图出来分析。

 

本来果两日所有group都要自己去自己既site，但我地好好彩，出门口遇见我地既supervisor，癫癫地lecturer. 佢开架van仔车我地去个site，仲係果度同我地解释左好多野，同时再次复杂化我地既方法！！

第一个上午，我地都係度考虑sample point既距离，下午既进度都好慢。下午supervisor又来睇下我地搞成点，又要我地改。但最终都系无咩进展，天黑就返酒店。本来有巴士返去，但系我地林住唔系好远，所以决定行返去。悲剧又发生啦，行左两个半钟先返到去，我竟然行到脚板底生水泡！！脚板底咁厚既皮都可以磨到生水泡！惨就系惨在第2日仲要继续行，仲系行石春路！

 

第2日一早，见到个supervisor，佢就问我只脚点样，（佢点知噶？！）我话，鞋底太薄，磨到起水泡。佢又问我点解唔着行山boots，我就话，因为你第一日就拉我地上山顶，搞到我磨损左脚眼唔着得boots！果日之后，其他lecturer都问过我只脚点样。除左尴尬之外，我仲要重复同样既对话，4次。

 

第2日我地既方向开始明确左，无咁盲目，又改良左D方法，虽然每个人都做多左野，不过就快左好多，我仲行少左，可以行下停下。（好彩～～）！！

 

第2日返酒店既路上，我地见到E一幕，大男仔与小狗狗，个男仔仲要时不时停低等只狗仔。how cute is this！！！！

 

我地group既两个女仔想影只狗仔，所以去聊个男仔倾计，原来只狗仔2个星期大咋，佢地狂影佢相，真系好可爱，不过佢地话个男仔无想象中咁靓仔。的确系！因为睇背影，感觉真系好warm。

 

 

 

 

最后两日系最多野做又玩得最癫既两日！！

 

尾二果日我地要分析project既数据，准备最尾果日既presentation。而之前一晚，我地赶笔记，基本上都无训。上午，我地对住D raw data都唔知点好，好攰好烦，无乜结果。E个时候，我地突然决定去海滩游水！于是即刻返房换衫。一去到海边，3个女仔就林都唔林冲落水，冻到尖叫，然后就游左开去。我着左短裤flipflop，唔理脚上面4个未埋口既伤口，照冲出去...踩水。

D海水无想象中咁冻，大概仲暖过scotland夏天既山水。不过我净系係浅水度企一企就即刻上返来。即使西班牙再阳光普照，始终系欧洲既一月。

后来癫癫地果个lecturer係海边跑步，见到我地，都话我地癫～

 

冻一冻之后，全部人都醒晒精神晒。返去继续做野，效率高左好多。一直做到下午6点，点知又出问题，我地plot出来既一条曲线同猜想有出入，连lecturer睇到都拗晒头，我地更加系林野林到抄乱晒D头发 （当时我地一班人既样真系几搞笑，不过我未揾得返张相）。不过lecturer仲鼓励我地继续做落去，话我地E个结果好有趣，直头可以出本书来解释。我地又有返心机，从头来过，发现scale出左问题。最后得出个正常既结果。我地成晚就系准备presentation既野做到好夜，晚饭就係外面叫pizza，係酒吧一路食一路做。除左我地，仲有其他group都好搏命咁做到好夜。

 

到终于完成果一刻，全group人都好兴奋，乜野辛苦都唔记得晒。

 

但其实我仲系好紧张，压力好大！！因为好惊自己presentation既时候讲得唔好。全group人辛苦左咁耐，摆左咁多心机摞去做既野，如果presentation搞'wor'左就真系真系好可惜！！

 

最后一日，我地第一个present，全部lecturer都好钟意我地做既野。感觉真系好好好好！全group人都认为再辛苦都值得。其他group既presentation都好紧张又好认真，所有人都好比心机好落力。

 

presentation之后，全部人去晒泳池边，D lecturer 买左一打香槟，一齐开。

 

从第一日开始就无停过地做野，辛苦左7日，终于完成晒成个trip，全部人都好开心，即使两晚无训都好兴奋。

仲有两个钟就要上飞机返英国啦，一班人紧系要玩到尽啦！！有D人出去继续饮，我地几个人就去多次游水！！

（我都系无落水）。

 

最后全班人情绪高涨地上巴士，一樽酒成车人一齐饮，大半人醉晒地上飞机。

 

我地个个都唔舍得走，如果可以再去多次，再辛苦我都唔会有投诉。

 

p.s.

1.   好多相都係facebook偷返来噶，好多人仲不断add相上去，我就不断偷落来。全部都系搞笑又难忘既moment!!

2.  女仔一致认为spanish guys are hotter than british ones

3.  行到出水泡，但返来dundee BENNY竟然话我D肉松左～

4.  我地既presentation摞左A！！！！

5.  西班牙人真系好热情。

6. sangria is tasty but if you are tired it becomes so strong that ... wowwwwww~

圣诞前去左几日inverness。 本来想滑雪，但系第一日去到aviemore既滑雪场，因为太大风，上唔到去。过日既风有100mile. 于是去左loch ness 睇水怪。第2日在去fort william，但系果度又唔够雪。最后就搭缆车上山堆雪人，再周围行下。因为BENNY部车唔够位，我地6个人租左部9人van仔开去，好似学校去旅行咁。而且全部人都stay係一个friend度，6个人逼一间房，好好玩。仲一齐煮左一餐好正既christmas dinner。好想滑雪啊～！！！！

christmas day 就系要训到醒，然后起身就拆礼物，全日着住睡衣係屋企游游荡，无所事事咁睇一日电视，晚黑就着靓去食dinner。

 

boxing day 本来无林住出街，因为旧年boxing day去行街D野一D都无平到，同圣诞前差唔多，而且好既都被人执晒。后来出去行下，见到D野平到痴线～！本来已经好抵既gift set，果日仲有half price. 条街好多好多人，虽然DUNDEE无人一早去排队，不过我地出街既时候铺头D shelves 好多都空晒。我仲系买到好多野。

 

woolworths 执笠，去行过，已经无晒好野，靓系买左本notebook同D poster。 BENNY 话本薄好靓，应该买多两本，但第日去已经无晒啦。

   

 

 

 

 

揾左好耐既dream catcher！係inverness行过无意中见到。

 

   

 

都仲系揾唔到理想既dream catcher。 屋企挂开果个好靓，系真皮同草织既，D羽毛仲好多好大条。好想揾返一个相似既～～

最近好多圣诞电影，好多睇完又睇。不过要信有SANTA先好睇。

 

things around keep remiding me some highschool romance lately.  saw the boyband i used to love at school on stage again. i finally admit that they did seem gay then. but they are more charming now as 发福中年男子。 whats wrong with me?!!!!

 

初初来到DUNDEE，觉得间大学好好，好多lab，好多facilities，好多serviece。同国内D大学差好远。但系E+习惯左之后就觉得，我地学校係英国来讲其实好差。campus好细，好多年都无乜研究成果，出名既professor都退晒休，或者走晒去第度，间大学根本留唔住，library又唔够用，好多书都搵唔到，问librarian，就叫我地自己搭车去st andrew摞。不过学校唯一一样好既就系仲有好多好好既lecturer。真系好好！！

 

考完试，得一个感觉，好失望！今个学期好勤力地想摞A，不过应该无啦～。 返到屋企，忽然觉得有D失落，因为乜都唔使林，乜都唔使做，好似好空虚咁。我可能真系中意左读书。所以今个学期过得好开心。

因为住得远左，今个学期BENNY日日都车我返学放学，所以我基本上无逃过课，又好少迟到。好多功课，不过期期都好比心机做。今个学期好似成日都好多野做好辛苦咁，后来听到人地D课程，先知道原来我其实超级得闲！人地学5科，我先学2科，而且只有一科考试，另一科仲有得去西班牙。有人个个星期交几千字，我成个学期先写左几千字。不过～～！！每次功课我都做好多research，睇好多书先做，所以先会几百字都写通宵。都系唔好讲啦，即使我D reading，同人地比都只系湿湿碎，林返起，其实都系每次将功课堆到deadline先做，先会做通宵。

即使多左动力，惰性仍然好难改～HAHA

 

放假都仲有好多野做。圣诞前要去滑雪，又系aviemore，果然系个好地方，今次去朋友屋企住两晚，6个人逼一间房，一定好搞笑～。要练下琴。去西班牙之前要睇晒D reference，因为去到西班牙都仲要presentation，系计果科一半既成绩。然后就又开学啦～

 

 

果晚通宵赶今个学期最后一份功课，做到朝早8点，先发现，原来外面一直落紧雪，落左一晚无停过。好靓～

林住冲个凉，返学校交功课，然后返屋企训教，但系返屋企既路上见到D雪真系好靓，我都系第一次见到落咁大雪。BENNY都话未见过咁靓，仲话，咁先似係英国！于是我地去左个公园玩雪。我仲着晒去field trip用既装备，好暖，兴奋到唔记得左自己两晚无训。

 

之前买左个毛毛耳罩，一直都无机会用，我仲摞来玩～

 

 

   

 

今年真系要用啦～

 

E场雪之后，天气预报话会落更大雪，睇个天气图，成个英国都被雪覆盖晒。虽然话会cause chaos，不过我已经上晒课，所以好兴奋，果日成日望住个窗，望距快D落大雪。点知最后成个scotland都落大雪，就系DUNDEE无落。好失望。

 

 

琴晚DUNDEE落左今年第一场雪。 今朝一醒，BENNY就大叫，“隔离老伯部车唔见左啊～！” 大雪到乜野都被D雪cover晒。DUNDEE好少落咁大雪，而且咁早就落，可惜又睇唔到！E两日真系好冻好冻。今年冬天唔好过～～

 

   

 

   

 

有日同BENNY打紧机既时候，发现楼下来左4部消防车。仲有警车救护车，仲封埋路，十分大件事。开左个窗，伸个头出去先闻到有味，原来系隔离楼。D fireman 要咩氧气筒，仲要nap “架餐”爆门。对面楼D人全部打开窗帘睇热闹，隔离屋既两个小朋友仲走埋落楼睇。大家都睇得好开心，唔知点解，我地搏命系度笑，仲林，如果等阵policeman上来拍门叫我地走人，使唔使nap野，nap咩好。越讲越好笑。我一直趴係个窗度睇，BENNY拉我都唔走，我话想睇firemen，但系D firemen 多数都唔好睇，有肚腩无头发。不过D firetruck就真系好型。

 

 

 

最近好多好多野做，又多功课，又多presentation，仲有好多书要睇，做到唔食唔训。其实系堆埋D功课deadline前先做，要通宵赶功课，交完之后就大觉训，训到饭都懒得食。就系所谓既唔食唔训啦。不过最近真系做左好多好多野，好似成日都好忙咁，不过好满足。不过即使再多野做，星期3都系咩都唔想做，所以E几个星期3都有出去附近既TOWN行下。（pics later on）

 

最近ha zoi 左好多歌。其实会觉得guilty。罪过罪过。

 

琴晚睇BENNY与中文字搏斗了一整晚。有趣～！！